Alfaazon ki antakshri me mein roz tujhse baat karne ke bahane chupa lata,
Para kabhi baat kar na paya,
Mein roz aaine ke samne ghanton khud se batiyata umeed me ki aaj baat hogi,
Par jab tu samne aai koi alfaaz kabhi nikal na paya.
Tujhe dekhte hi mast magan dil fir jhoom uthta yeh soch ke ki aaj fir chand nazar aaya,
Par tujhe me kabhi do pal se zyaada dekh nahi paya,
Tu aate hi nikal jaati thi, mujhe dekh ke andhe dekha kar jaise mera wajood hi nahi,
Par tujhe samjhaun uske liye me kabhi alfaaz jodh nahi paya,

Tujhe class me peech mudkar dekhne me mene apni aadhi zindagi nikal di,
Baki aadhi me tujhe aapne aage baitha paya,
Fir bhi kabhi mudkar ya muskurakar me kuch keh na saka,
Teri jhakal milte hi mene khudko samjha na paya,
Mere alfaaz hi mujhe dokha de dete, jab bhi tu mujhese baat karne aati,
Mauka paa kar bhi, me tujhe bata na paya,
Shayad tu bhi mujhe chahti thi, jo harr baar kuch bahana jod mujhse takrati thi,
Par takrane par, me tujhese ‘sorry’ bhi nahi bol paya,

Tere peeche chalte chalte, me roz apne ghar se meelon door chala jaata,
Par chah kar bhi tere saath na chal paya,
Tu apne dost ke saath roz chali jaati, me akela tumhe door se dekhta,
Shayad tu mud-mud kar mujhe hi dekhti thi, par me kabhi teri nazarein mila na paya

Teri harr narazgi manzor hai mujhe, teri harr baat sar-aanko par,
Tujhe manane ke bahane me baat toh kar paaunga,
Tujhe nazar dekh ke, me alfaaz toh juda paunga,
Teri harr narazgi manzor hai mujhe, teri harr baat sar-aanko par,
Tujhe manane me pyaar ka izhaar kar paunga,
Tujhe kitna chahta hun yeh toh bata paunga,
Teri harr narazgi manzor hai mujhe, teri harr baat sar-aanko par,
Par tu nazar mat hona mujhse,
Kyunki shayad fir bhi alfaaz dokha de jaenge mujhe.

Woh mere alfaaz hi toh hai jo chup ho jaate hai tere saamne aane se,
Woh mere alfaaz hi toh hai jo chup ho jaate hai tere saamne aane se,
Aur woh mere dil ki dhadhkan jo thamb jati hai tere muskurane se.